君如收300萬辣跑晒恩愛

吳君如和陳可辛相戀多年，懂得花心思氹對方開心，早前君如47歲生日，陳可辛豪送價值逾300萬港元名貴跑車，前晚兩人駕駛型爆新車在中環出巡大晒恩愛。

影后吳君如和金像導演陳可辛這對香港影壇伴侶，拍拖多年感情極佳，並於2006年誕下愛女陳是知，兩人一直表示未曾正式簽字結婚，縱使欠缺一紙婚書，但他倆早已視對方為終身伴侶，經常互出冧招氹對方開心，愛得相當癡纏。

Chilam擁同款靚車

今年8月君如47歲生日，陳可辛除了安排一眾圈中猛男包括張學友、張家輝、古天樂及甄子丹等為君如賀壽，同時斥資逾300萬港元購買型爆的銀色平治SLS。

據知君如收到禮物時開心到跳起，而圈中藝人張智霖（Chilam）亦有同款靚車。今年適逢君如入行三十年，早前更於第三屆紐約中國電影節獲頒亞洲最傑出藝人獎。

而剛剛返港的君如，前晚和陳可辛齊齊駕駛愛車到中環，晚上11時許新車停在中環路邊，兩邊翼車門隨即打開，君如和陳可辛一左一右下車，一名老外早已站在路邊等候，並禮貌地扶實君如下車，會合一眾朋友後，君如熱情地和大家傾偈，不時傳出爽朗笑聲，眾人稍後步入酒店的宴會廳。

囡囡都鍾意

逗留不到一小時，他倆便拍拖離開，登上跑車直駛清水灣寓所。對於陳可辛購買新車，君如說：「之前買o架！係我鼓勵佢買嘅，我鍾意古董車，呢款最似古董車。」另外，君如弟弟女友江美儀亦知道君如收到靚車：「君如個女都好鍾意，話似蝙蝠車，有Mission（行動）喎！」