祖兒爬椏杈憤怒鳥
樂壇天后容祖兒最近再度以亞太區代言人身份為服裝品牌拍攝硬照，今次更化身成紅噹噹的Angry Birds！為了今次造型，祖兒花上3小時染髮及駁髮，並配上紅眉、紅唇及鮮紅指甲，原來她本身都是Angry Birds的超級粉絲：「當我知道有得扮隻雀仔，真係好興奮，佢啱啱出嗰時，我已經打爆機喇！」
為求逼真，祖兒更要爬上1.8米高的椏杈及2米高的月球布景裝置上擺甫士，百厭的她更大呼過癮：「今次個廣告拍得好刺激，要喺個咁高嘅椏杈上面擺高難度甫士，雖然拍攝過程都幾多驚險場面，不過我又要扮到好自在咁，真係好考功夫o架！」
祖兒與小朋友合作，充滿默契。
祖兒紮紮跳，果然是勁舞天后。