周子揚歐遊Chok溝金髮索女
歌手周子揚早前參加妹妹在英國的畢業典禮，一家人順道到歐洲旅行，他在各大名勝前拍照，更戴着黑超Chok樣擺甫士！他自爆認識了金髮外籍外性朋友：「有個金髮美女幫我哋影相，之後佢好好人咁帶埋路，咁就識咗呢位外國朋友！我覺得外國人比較Nice，香港人通常只係直行直過。」
周子揚又大讚英國酒吧街有特色：「我有去飲兩杯，嗰邊唔係好似香港人咁劈酒，而係有一種放鬆嘅感覺！（順道識女仔？）梗係冇啦！（『濕平』大出血？）我去買名牌，只係買咗好多手信仔畀朋友！」先後到過法國、意大利的他，原來鍾情到東南亞旅行：「我其實比較鍾意陽光與海灘多啲，最愛印尼、馬來西亞食嘢同曬太陽！」
戴黑超的周子揚Chok甫影相。
周子揚自爆到歐洲旅行結識金髮女，艷福不淺。