林莉愛貓變看門狗

名模林莉（Carrie）周遊列國行貓步，但原來她私底下亦對貓情有獨鍾，家中養了一隻兩歲大的布偶貓Sofia。每當Carrie講起愛貓便滔滔不絕，面上總流露幸福之情：「佢好溫馴，而且好乖，外表似足洋娃娃一樣，心口啲毛多到好似頸巾一樣，加上佢好黐我，我就成日同佢玩捉迷藏。」她笑指雖然Sofia表面是一隻貓，但性格卻似狗，還懂得看門口：「有時我去沖涼，佢會一直喺浴室出面等我，而且每次放工返屋企，佢都會撲嚟我度，好Sweet！」

只聽說有人落街放狗，想不到Carrie亦有帶貓外遊的習慣：「我大概一、兩個禮拜就會帶佢出街，就算喺出面同佢影相，佢都唔驚。有次我去髮型屋整頭，仲好淡定咁望住我。」Carrie認為Sofia甚有靈性：「你對佢好，佢就會好活潑，今朝我要出街，佢唔捨得我，甚至想抓我條裙，好彩制止咗佢，佢實在太黐我啦！」雖然Carrie至今仍未覓得男友，相信只要有Sofia相伴亦不愁寂寞。