何哲圖一視同仁 冇偏愛嘉欣

星煥娛樂老闆何哲圖(Herman)被指對旗下的鍾嘉欣「寵愛有加」,Herman昨日澄清與嘉欣關係形同父女,他對旗下藝人一視同仁,更暗示遭「有心人」中傷:「成段報道都係作出嚟!作為老闆應該出去睇旗下歌手拍MV、錄音同演出,外界只係睇嘉欣表面,其實佢付出好多努力,唔係我一個人嘅事。」Herman強調獲太太無綫高層余詠珊信任,不會因此減少出席旗下藝人的活動。此外,前日生日的他獲旗下歌手吳若希、胡鴻鈞及組合Super Girls送蛋糕慶祝。

Herman獲吳若希(左二)、胡鴻鈞(右)及Super Girls賀壽。