拉姑賀61歲生日促霆鋒錫身

狄波拉（拉姑）昨晚在上環一間意大利餐廳開Party慶祝61歲生日，悉心打扮的她先接受查小欣訪問，再與丈夫鬍鬚Kong滿場飛招呼賓客，而查小欣的攝製隊則拍攝花絮。除乖仔霆鋒、女兒婷婷及男友安志杰外，到賀的還有李克勤夫婦、賭王四太梁安琪、關菊英與同性密友周偉利（Willy）、李琳琳及譚詠麟等。

拉姑表示霆鋒手術成功是今年最好的生日禮物，承認陪他入院時曾哭泣，並叮囑他以後愛惜身體，對於孫仔Lucas及Quintus沒有到賀，她語帶雙關地說：「冇所謂，謝家格言『日日都係生日』，想同嫲嫲食飯唔一定今日，日日都得，我都向佢哋學習緊！」而霆鋒則指囝囝不在港：「佢哋出咗埠。（託你帶禮物？）遲啲會整，栢芝好有心，每年都會同小朋友畫啲嘢！」

至於譚詠麟則否認不准兒子入行：「冇啲咁嘅事，講到我哋好似水火不容咁，佢都冇打算入行。」並表示待兒子畢業後便一同創業。而四太逗留了約半小時便離開，談及賭王何鴻燊即將牛一，她透露未決定如何慶祝。