方中信牆頭草：今年會雙視后！
藝人方中信前晚與劇集《仁心解碼2》的台前幕後食收工飯，同劇演員陳茵媺和蒙嘉慧缺席，方中信笑說：「陳茵媺去咗馬來西亞飲咖啡，而蒙嘉慧就去咗南太平洋某個小島唔知做咩！（搞同鄭伊健個婚禮？）唔知呀！」不過，據知蒙嘉慧只是到上海工作。此外，方中信表示已還完劇債，暫時停工陪家人。談到視帝視后之爭，他說：「兩年都喺內地做嘢，冇留意！（楊怡、徐子珊？）都幾好，話唔定今年會雙視后！（拍多兩套劇爭視帝？）我唔係親生仔，冇簽TVB，邊會有視帝！」對於有指楊怡在內地登台Hea爆，他力撐拍檔專業：「佢除咗醉酒事件，每日都好準時。（畀楊怡個木偶鼻嚇倒？）冇乜留意，唔知喎！」
方中信笑言非無綫「親生仔」，冇機會攞視帝！
伊健與小朋友拍宣傳照支持步行籌款。