Ben爆好友緊張傷勢 樂易玲：損失百萬
鄭嘉穎傷眼，除了拍內地劇《葉問》要停工，亦損失多個商演，估計損失逾百萬元！據無綫高層樂易玲表示，嘉穎縫針後將不用磨皮，拆線後無大礙便會重返劇組。而嘉穎原定昨日出席瀋陽的一個品牌活動，卻因受傷缺席，猶幸毋須因此賠訂金，主辦單位願意延期補數：「主辦單位好好，今次嘉穎傷咗就將活動取消，會延期先做！」
提到愛將情況，樂易玲說：「我幫嘉穎辦完入院手續都冇再見佢，（擔心傷勢？）佢男仔嚟，Man啲仲好！但我信香港縫針手術好，應該唔使做磨皮手術，等下星期覆診拆線後，就返去為劇組埋尾。」另外，黃智賢（Ben）前晚亦陪嘉穎入院，他昨日指好友最初十分緊張傷勢，後來心情已OK，又讚縫了十針的嘉穎「依然靚仔」！
樂易玲（右）前晚緊張地陪愛將嘉穎入院，黃智賢（左）亦到醫院了解好友情況。