Otto畀「女」摸苡之爆笑

前港男陳志健（Otto）與「甘草王」羅樂林女兒羅苡之（Tisha）新婚後，即到蘇梅盡享陽光與海灘度蜜月。身形健碩的Otto自爆被當地靚「女」鹹豬手，不過Tisha竟看得不亦樂乎！

前港男陳志健與羅苡之於本月四日結婚，婚後兩日已急不及待飛往泰國蘇梅展開蜜月之旅！兩公婆除了自駕四出遊玩外，更到沙灘看日出，非常浪漫！未知是否人在外地會特別放鬆，Tisha大方穿上性感比堅尼大晒事業線，而Otto亦不讓老婆專美，以三角泳褲盡騷健美身形，期間Tisha更親自操刀，為Otto拍照留倩影 。

High住瞓新房

難得新婚外遊，老公仔Otto竟然驚喜欠奉，反而酒店方面為二人布置「新房」，除了送上香檳外，更用玫瑰及毛巾砌成心形「雙天鵝」，令Tisha開心得躺下拍照留念。

來到泰國當然不能錯過「人妖騷」，Otto自爆被三、四名人妖摸面：「我覺得佢哋好似明星咁靚，畀人摸真係好搞笑！（老婆呷醋？）冇呀！佢好興奮，鍾意睇到我怕醜樣！」然後兩夫妻又齊齊欣賞泰拳，Otto踢爆老婆看得非常肉緊：「佢第一次睇泰拳，見到有人打爆頭佢緊張到揸實拳頭！仲有當地小朋友上台打拳都好得意！（將來仔女學泰拳？）好健康，佢鍾意就OK！」並透露在機上遇到大氣流，感覺如同玩跳樓機一樣，嚇得全機人尖叫，幸好安全着陸，一眾乘客不禁齊齊拍手歡呼，讓他倆印象難忘！