趙詠瑤@冬甩爆扣糧黑幕

o靚模組合冬甩新血趙詠瑤（Vivian）踢爆有製作公司欺騙模特兒及拖糧，令模特兒白做冇收入！早前出席活動的她，直指有展覽會搞手誠信有問題，如要求比賽參加者帶多名朋友撐場，否則要收取費用，非常不合理，更為慳錢更利用模特兒肖像，Vivian說：「我之前贏咗個比賽有得做代言人，但有人唔想畀錢影海報，就問我哋拎相，原來佢係用嚟宣傳，不過就冇畀錢我哋，佢解釋係想零成本高效益。」又聲稱有人扣起不在港的模特兒的工資。問到如何避免被騙？她說：「接Job前要打聽製作公司嘅信譽，模特兒之間要互相報料，冇經理人嘅新人，就更加要小心！」

冬甩成員趙詠瑤提點新人接Job要小心。