岑潔儀奸招博出位

前無綫女藝員岑潔儀（Zoey）離巢後轉投新公司，繼續以拍劇為主。已婚的她恨演反派角色「博鬧」，雖然她不介意作性感打扮，但抗拒穿比堅尼拍劇！

曾與台灣男歌手陶喆爆緋聞的岑潔儀，今年事業和愛情也經歷了不少轉變，除了成為人妻外，還離開効力幾年的無綫，轉投城市電訊懷抱。Zoey表示會繼續以拍劇為主，雖然不介意性感演出，但抗拒穿比堅尼拍劇：「我唔會完全收起性感，視乎場合而性感，唔會抗拒性感演出。（底線？）全裸梗係唔得，同埋我唔着比堅尼拍劇，雖然對自己身材有信心，但就係接受唔到自己着比堅尼，平時游水都係着一件頭咋！（親熱鏡頭呢？）都OK嘅！拍劇啫！」

出街任人鬧

Zoey渴望演反派角色，認為有發揮空間，她笑說：「反派角色通常易畀人記得，唔介意出街畀人鬧呀！」她表示現時慢慢適應新公司環境：「識吓監製同導演，不過好多都係老朋友，所以幾熟。」Zoey轉投新公司後忙於拍劇，問到老公會否詐型？她甜到漏說：「應該唔會，佢自己做嘢都好忙，大家都係搏殺期！」