天后容祖兒早前在馬來西亞雲頂舉行演唱會，因發生保安推撞歌迷事件，她即向ontv表示怒火未消，並說：「唔好推撞吖嘛！始終我嘅歌迷都係女仔，個個都矮過保安一個頭。嗰一刻我覺得如果我唔出聲，保安真係會推跌嗰班粉絲。」
不過，事後祖兒笑言保安不懂廣東話，所以講完都嘥氣。她又自言是「怒火街頭」，當遇上不公平的事會立刻出聲反擊，ontv即問她男友劉浩龍有否包容她的脾氣？她即笑笑口地說：「唔係好包得o架！但我對每個人都係一視同仁，我對住經理人Mani都係咁o架！」
祖兒難忍在馬來西亞開騷時保安推撞歌迷。
