AOA恨拍拖冧吳彥祖
新進女子組合AOA以勁歌熱舞姿態進軍樂壇，Annelle（大Ann）和Annice（小Ann）樣子甜美，自小不乏追求者，不過兩姊妹竟從未拍拖！小Ann可憐地說：「細個爹哋媽咪唔畀我哋拍拖o架，上咗大學又遇唔到啱嘅人，我哋班得4、5個男仔，仲全部都有女朋友。」問到是否要求太高？大Ann說：「唔一定要靚仔，最緊要有幽默感同會氹我開心！」小Ann則說：「我鍾意體貼、成熟穩重型嘅人，好似吳彥祖咁就最好！」大Ann又爆細妹比她多男Fans：「佢中學好多男仔追，搞到我鬼咁羨慕！如果第時佢拍拖，我覺得個男仔唔好嘅話，我會拆散佢哋！」
小Ann（左）和大Ann又高又靚，竟然未拍過拖！