羅力威搞慶師奶

英皇歌手羅力威出道以來受到不少師奶粉絲萬千寵愛，他坦言不介意與年紀大的女仔玩「姊弟戀」，更自爆兒時曾暗戀老師，但最後因怕醜而放棄表白！

羅力威日前與陳偉霆、關心妍及組合糖兄妹等到廣州舉行音樂會，對於被封為「新一代師奶殺手」，羅力威笑說：「外界睇我啲粉絲係師奶，但佢哋嘅心境比學生更有火！」問到會否接受年紀比他大的女生？他猶豫片刻後說：「會，我接受到！」更自爆曾對老師有感覺：「我細個都鍾意過老師，年紀唔係問題，最緊要講Feel！（表白？）梗係冇啦！」問到對緋聞女友雨僑可有感覺？他尷尬地說：「冇意見！」

談及雨僑日前在內地歌唱節目勝出，年底將代表香港參加總決賽，他透露有留意節目，並恭喜對方。但歌唱比賽冠軍的他拒絕「過兩招」給她：「我覺得佢表現已經好好，佢作嘅歌又好聽，唔使我教路，總之要繼續加油！」他希望年底前再出新碟，又透露將有廣東歌派台。

洪杰想攻電影圈

同場的師兄洪杰稱早前到羅馬拍攝微電影：「我當一半工作一半玩！（有艷遇？）冇呀，反而同當地女化妝師最Friend，仲教識我好多意大利文。」他指參與電影《紮職》後，有興趣闖電戲圈：「唔想齋唱歌，覺得拍戲都幾有挑戰性！」