莊思敏梁思浩攬住互踩

梁思浩早前隔空向《爆足一周》主持發炮，身為主持之一的莊思敏前晚與「仇人」碰面，二人在人前有講有笑，但言語間卻暗藏「殺機」！莊思敏指思浩的節目觀眾少兼愛炒舊聞，思浩即還擊並建議改由鄭裕玲主持！

梁思浩與莊思敏兩名娛樂節目主持早前隔空開火，互踩對方的節目，但前晚在時尚店「true color」開幕禮上碰面時，卻笑笑口攬攬兼搭膊頭！對於主持的《爆足一周》收視屢創新低，莊思敏表示未有收到節目腰斬的消息，並力撐節目會有所改善，她揚言與思浩一直是朋友，只是各為其主：「我相信免費電視台嘅觀眾一定比收費台多！」除踩思浩的節目少人睇外，她還寸對方愛炒舊聞：「有睇佢節目都知佢翻炒舊聞更厲害，講嗰啲都係幾年前嘅事，我哋最多都係一個禮拜！」

葉俊亨心急拍戲

不甘被插的思浩隨即反駁，力撐其節目有新聞亦有舊聞，他只是講出真相。思浩還表示認識《爆》的幕後工作人員，建議由「Do姐」鄭裕玲頂上主持之位。

同場還有來自馬來西亞的樂壇新人葉俊亨，他透露有意闖影壇：「第一次喺香港見到咁多新人同電影明星，搞到我都想快啲闖入電影界。」他自嘲與時代脫節，最近才開始玩微博，但已獲不少香港藝人關注。至於出席活動的還有歌手裕美、謝文雅、李卓庭、王宗堯、張建聲及戴妮廷等，場面熱鬧！