鄧麗欣（Stephy）昨日拍攝《街坊廚神食四方》時透露，男友方力申早前「遙控」包下總統套房，安排好友為她慶祝生日！她笑指小方「少有咁浪漫」，平日多數收首飾，但未收過鑽戒，問到是否期待求婚同樣浪漫，她說：「大家錯覺佢係浪漫嘅人，佢又成日自認雙魚座浪漫，但暫時冇打算結婚。（生仔？）接受唔到做未婚媽媽，如果我有打算生仔就會結！」
Stephy（中）昨日與金剛及小儀開工時，大讚男友小方浪漫！
