李思欣無端變「中國小姐」
《2012中國小姐大賽》香港區昨日舉行佳麗泳裝亮相記者會，由DJ范振鋒（阿范）和杜浚斌（Ben）任司儀，阿范太太李思欣則以一身白色打扮捧場，Ben在台上問阿范哪一位佳麗最美時，阿范卻乘機大讚老婆：「着白色衫嗰個最靚！」
佳麗以(7)陳穎祺的32D上圍最豐滿，全程表現最自信的則是(8)鄭思彤，今年18歲的她面對傳媒時大擺可愛甫士，更以一口娃娃音說：「聲線係天生，但冇諗過做配音員，因為好悶好冇自由！（你好識擺甫士，有冇人教你？）冇，係自由發揮，以前都做過兼職Model，14歲影過私影！（好性感？）唔係，17歲先第一次着三點式，試過有人出多啲錢叫我除多啲，但嗰時已經識諗。」
阿范與太太李思欣恩愛現身。
自信爆棚的鄭思彤，滔滔不絕暢談其私影經歷。
陳穎祺以逼爆身材搶鏡，未知能否為她帶來獎項呢？