徐子珊被問「輪姦」尷爆
徐子珊近日不停被追問在劇集《雷霆掃毒》被輪姦的戲份，網民的熱烈討論更令她大感尷尬，她前晚錄影節目時坦言有壓力：「乜咁認真嘅咩？好尷尬！好多朋友都追問我呢場戲，其實個劇係宣揚禁毒訊息，做學校活動都有學生問我劇情！（有信心憑呢場戲角逐視后？）咁講好尷尬，希望靠呢個角色嘅所有演出嚟角逐！（怕網民瘋傳呢幕輪姦戲？）阻止唔到！（電視尺度有限怕觀眾失望？）唔好令我難做啦！拍時都以為電視尺度出唔到！（拍得好激？）總之大家睇啦！」同場的陳法拉透露將為劇集《衝上雲霄II》拍一場坐小型飛機戲，她笑稱是「男仔頭」甚麼都不怕，又指今次難得與同屆華姐的李亞男及徐子珊碰頭。
陳法拉（右起）直言與同屆參選華姐的李亞男及徐子珊同場，格外有親切感。