苟芸慧香香喊喇！

「宅男女神」苟芸慧及岑麗香前晚在節目談到緋聞及是非時，相擁而哭，狀甚淒涼！對於曾被指仍是「處女」，二人皆不作回應，苟芸慧更指會收起性感！

苟芸慧及岑麗香兩位「宅男女神」早前被指爭上位，兩人前晚錄影《萬千升呢福祿壽》時，主持王祖藍、阮兆祥及李思捷分別將二人的緋聞及新聞擺上台，苟芸慧提到最傷心是令父母擔心時，再次落淚，岑麗香即擁抱她同哭，苟芸慧哭着說：「想同佢哋（父母）講我冇學壞，希望佢哋返香港同我住！」

誓保私隱

岑麗香其後哭着表示苟芸慧是她來港後的第一個朋友，二人更同居，無論對方多忙都會開解她：「如果唔係你我會黐咗線。」期間二人又被主持要求大擺咬唇及咬手指等的誘人甫士，非常搞笑。

對於近日被指仍是「處女」的苟芸慧，不欲再談這些極度私隱的問題，反而因這些新聞而自我反省：「有諗過係咪呢排出Function時啲衫太過性感，以後唔會咁Sexy！（會搵少啲錢喎！）都唔會嘅！全部性感，得我一個密實可能會有意想不到嘅效果呢！」而岑麗香亦指「處女」話題相當私人，自己向主交代便可，她不諱言曾遭別人問過是否「處女」，但只笑而不答，問到是否舊男友時，她說：「總之有人問過，Boy Friend都唔好講呢啲。」