熊黛林拒爆攻城禮物

熊黛林（Lynn）前晚相約女友人睇其有份演出的電影《男人如衣服》，她透露現正休息中，稍後到杭州拍賀歲片，毛舜筠亦有份參與，她不忘大讚對方：「我第二次同佢合作，佢Keep得好好，又係好戲之人，家庭又幸福！（想似佢咁？）會努力朝呢個方向做。」Lynn透露第四年拍攝黃百鳴的賀歲片：「好多謝佢畀機會我！（片酬有冇加？）有！年年都有加。」問到仍未獻出銀幕初吻是否代表封嘴？她說：「唔係！拍戲試過同吳建豪咀。（香港係咪只得男友郭富城嘅MV咀過？）乜你哋記得咁清楚o架！」後日是城城生日，問到如何慶祝？她說：「祝佢生日快樂，年年有今日。（送乜？）唔話你知。」

熊黛林雖然冇城城陪睇戲，但一樣四萬咁口。