子丹豬籠入水「淨袋2千」

近期頻頻出席活動的甄子丹，前晚與莊思敏等出席手錶活動時，被問到是否豬籠入水？他表示對錢沒有概念，要問太太汪詩詩，還笑言褲袋裏沒有錢，問到是否太太畀錢他用？他笑說：「佢會畀2千蚊我『責』袋囉！」下月他將開拍《3D急凍奇俠》，由於有不少大場面，身兼動作導演兼演員的他，要常與劇組開會：「預計製作費過億，會喺青馬大橋騎馬鬥法拉利跑車，又有直升機爆炸等，需要政府配合！（邊個擔任女主角？）係好出名嘅內地演員，3個字，面長長。」

甄子丹忙於籌備新片，難得仍精神爽利。

莊思敏又谷胸上陣，自信十足。