郭羨妮陳錦鴻停工仔女大晒

藝人郭羨妮(Sonija)、陳錦鴻等昨日拍攝新劇《初五啟市錄》,不停NG的Sonija解釋:「句對白太好笑,一講就忍唔住笑!」為陪愛女過聖誕而推劇的她說:「聖誕會喺外地過,我想去有陽光海灘嘅地方!(睇好邊個攞視帝視后?)冇特別留意,我唔再在乎獎項。(有女萬事足?)係呀!」同是顧家之人的錦鴻希望明年暫停拍劇,專心陪囝囝:「囝囝出年升小學,想睇住佢成長。」並透露已為有自閉症及言語障礙的囝囝找了一間主流學校:「希望佢條路行得好啲。」

楊明掹槍指嚇陳錦鴻,搞到郭羨妮勁緊張!

黃浩然喺冬菇頭襯托下傻氣十足。

樂瞳着住民初裝用潮爆波點袋,好混亂呀!