蕭正楠梁烈唯爭到出口

藝人蕭正楠、梁烈唯及陳茵媺前晚在旺角鬧市拍攝新劇《仁心解碼2》,蕭正楠穿上娘爆格仔變身「哨牙仔」在街頭拗腰激昂獻唱,含淚向陳茵媺高呼「I Love You」!談到熱爆「飛躍進步男藝員」獎,他說:「自己成績都唔錯,平常心啦!(有高層錫?)唔係,大家都平均,睇吓邊個運氣好,當派成績表,今年攞唔到咪下年囉!」

梁烈唯則信心十足,問到蕭正楠是否最大對手?他說:「佢演技同做人處事都好好,個個都好有機,我都好想攞,驚今年攞唔到,出年唔知有冇咁好機遇。(羅仲謙有緋聞女友楊怡撐機會大?)公司唔會以緋聞衡量,謙仔好努力,唔應該話係因為阿怡,對佢好唔公平!」而陳茵媺被問到會否撐男友陳豪再奪視帝,她冧爆地說:「梗係撐!我都好欣賞《大太監》嘅黎耀祥,兩個都喜歡,兩個都撐!」

蕭正楠以「哨牙仔」Look含淚向陳茵媺示愛,十分搞笑!

梁烈唯坦言恨攞獎,怕機會可一不可再。