張苡澂後悔為愛犬絕育

曾與周汶錡老公Julien Lepeu傳緋聞的歌手張苡澂（Venus），家中養了一隻狗Labrador、兩隻貓Tomorrow及叮噹。她笑言是怕寂寞的人，有寵物相伴令她安心不少，而且三隻百厭星冇時停，令家中變得熱鬧：「Labrador好鍾意追住佢哋走，搞到佢哋好驚，成日都要躲起嚟！不過佢哋當然只係玩吓啦，唔會打交嘅。」

Venus表示三隻寶貝非常健康，最嚴重只是患上皮膚病，經她細心照料下很快康復。但她坦言最後悔的事，是為Labrador進行絕育手術：「以前Labrador好鹹濕，我啲女仔朋友一嚟到我屋企，佢就會用Pat Pat磨我朋友隻腳，做埋啲不文動作！我啲朋友同我投訴：『你隻狗做乜咁o架！』所以我決定幫佢絕育，點知做完手術之後，佢性格變晒，成日都好似悶悶不樂咁，搞到我覺得極內疚。」

張苡澂指愛犬鹹濕，但後悔帶牠接受絕育手術。

張苡澂坦言怕寂寞，故養貓咪作伴。