薛凱琪（Fiona）日前踢拖行銅鑼灣時胃口大開，當日下午約4時，Fiona與女友人結伴掃街搵美食，行到口渴的她先買珍珠奶茶邊行邊啜，經過魚蛋檔時又大嗌想食，更懶理形象逼入人群中買，魚蛋到手，Fiona即順手將珍珠奶茶交給友人，然後擘大個口大啖大啖食，或者是久未品嘗街邊小食，Fiona食相猴擒，嘴都脹埋！
而與Fiona老友鬼鬼的田蕊妮原來也愛平民飲品，日前傍晚時分，她獨自步入飲品店，左揀右揀後買了杯飲品，啜了兩啖又再買多杯，未知是否想跟丈夫杜汶澤分甘同味呢？
薛凱琪擘大個口歎魚蛋，友人則替她拿着珍珠奶茶。
手持兩杯飲品的田蕊妮，箭步登車離開。
