Celia K.寸爆o靚模得個殼

不少女生愛靚怕擦傷皮膚故甚少做運動，相反陳靜師妹郭穎兒卻是一個運動迷，讀書時期獲獎無數，她自問不是得個殼，寸爆其他界對手睇得唔打得！

陳靜師妹郭穎兒（Celia K.）今年出寫真及拍電影，靠行性感成功吸納大批宅男，廣開財路。別看她個子嬌小只識騷事業線，原來她亦是個運動健將，讀書時期更橫掃海陸兩路獎牌，她說︰「我好鍾意做運動，我係一個唔停得嘅人，以前讀書幾乎所有運動比賽都鍾意玩，但看外表好多人都話睇唔出我係運動健將，都呃得吓人。」

她奪得的獎牌數目確實驚人，單看她帶來的獎牌和獎盃，起碼超過三十個，但她笑言只是所有獎牌的一小部分︰「啲獎牌早已擺滿一個大櫃，實在太多，我都唔記得有幾多個，因為拎唔晒出來，所以只係揀咗一啲有特別回憶嘅獎牌，諗番以前真係好開心！」

一技傍身最重要

談到Celia K.最「耍家」的，原來是難度非常高的三項鐵人賽，她說︰「我最鍾意呢樣運動，講求耐力外，更要用腦，好開心之前可以贏到比賽，證明人哋睇我唔係得個殼，唔係只識扮靚嘅女仔！」言下之意，她乘機寸爆其他o靚模只得Body，她說︰「我覺得女仔唔可以只係識得去Sell身材騷性感，呢樣唔會係一世，有番一技傍身對之後都有用，我除咗運動，仲有化妝證書，唔擔心自己嘅前途，所以女仔應該去學吓嘢！」