林德信想生十個細路

林德信為匡智會活動擔任關懷大使，日前特地出席跑樓梯賽事，支持近300名健兒，在台上看到可愛小朋友的他，不禁流露出慈父的模樣，更揚言想生10個孩子！

林德信（Alex）為慈善活動擔任關懷大使，早前到中環出席一年一度的「匡智競步上雲霄」跑樓梯大賽。當日有近300位健兒參與賽事，大會設有29層體驗賽和75層個人或接力賽，Alex則負責做頒獎嘉賓。問到為何不身體力行落場一齊跑，他笑說：「我都好想跑埋一份呀！點解唔搵我跑o架？不過我細個就跑得多啲，會踢吓波，依家就淨係鍾意玩瑜伽，都好少玩其他運動喇！」

瑜伽練氣

問他若參加接力賽，會找誰做隊友？Alex說：「梗係搵啲跑得快嘅人啦！我見Mr.成員Dash都有跑開步，搵佢比賽應該唔錯！（夠唔夠膽挑戰馬拉松？）我未跑過馬拉松呀！好大挑戰，不過我諗一世人點都會試一次！」談及很多歌手都喜歡跑步練氣，Alex則強烈推介瑜伽有相同功效：「其實Yoga都好幫助到練氣，因為集中用丹田，所以我好Recommend畀啲唱歌嘅人！」

Alex在台上頒獎時不時逗身旁的小朋友玩，問他可會想找個老婆生番個？他哈哈大笑：「我都想！我好鍾意大Family、好多人嘅感覺，我想生10個！可能我屋企比較靜，好少傾偈，就算坐埋一齊食飯都冇乜點講嘢，個個人都好獨立。雖然係咁，但係一見到對方就好開心！」