林熹瞳：命運掌握手中

對水晶素有研究的林熹瞳，日前與水晶專家天林大談「水晶救未來」之說，以及了解水晶各種能量的分別，但結論還是命運掌握在自己手中。

藝人林熹瞳（Rachel）對水晶素有研究，對「2012末日論」亦相當着迷，距離所謂人類大限愈來愈近之際，Rachel與好友水晶專家天林大談「水晶救未來」之說，Rachel說：「我對末日之說雖然抱平常心，但都好有興趣研究相關資料，聽講末日嚟到，會有好多異象，其中氣溫會下跌到零下二百幾度，或者依家可以儲定啲火柴同暖包，到時取暖，講笑啫！應該科學少少去睇同面對所謂嘅末日降臨。」

守望相助面對逆境

天林聞言則說：「戴水晶嘅人心理上會變得積極，喺人心惶惶嘅時勢，多啲用水晶嚟祈福，有寧靜心境同減輕擔憂作用，譬如戴紫鋰輝石，可以令人有智慧去面對變化，心境變得開朗，不受外界影響；戴白水晶可以發放正能量；本身掌握權力嘅人士，戴繪有龍紋嘅黑曜石，能量可以更穩定。其實除咗戴水晶幫助能量發放外，人類之間要團結同唔自私，至可以守望相助面對逆境。」Rachel則說：「無論末日究竟喺邊日嚟，日子都係要過，命運掌握自己手中。」