祖兒水魚變格價王

容祖兒前晚出席活動時，獲大會以「樂壇天后兼Fashion Icon」介紹出場，她自爆初入行時購買欲超強，自嘲水魚，幸現已學會精明消費！

容祖兒前晚盛裝與莊思敏、Ana R.、汪圓圓及吳千語等出席《miramall開幕》，祖兒更與美麗華集團行政總裁李家誠進行開幕儀式，被封「Fashion Icon」的祖兒說：「過獎喇！（用好多錢置裝？）入行嗰幾年乜都買，只要售貨員講幾句我就迷糊咁買咗，世途險惡，都做咗幾年水魚！依家識格價做個精明消費者，都畀咗幾年學費！」

問到有否想過開舖做老闆？祖兒說：「買舖精明啲！（向謝霆鋒偷師？）我有叫佢夾吓我，1%都好吖！」此外，本報早前拍得其男友劉浩龍抱小朋友行街，問到男友是否恨做爸爸？祖兒說：「唔知，我未諗！（秘婚？）唔會，咁大件事，世界有奇迹喎！」

莊思敏求畀機會

至於以露背開胸裝示人的莊思敏，因她主持的電視節目遭批評，她無奈地說：「好慘！睇到網民插到我哋一頸血，大家畀次機會啦！」而吳千語則解釋被拍到坐富二代跑車：「同佢識咗好耐，冇發展機會！」