張可頤暗寸娘家冇人情味
城巿電訊（CTI）老闆王維基昨日率領新劇《客家女人》演員張可頤、劉美君等到東莞進行開鏡儀式。王維基就日前怒轟政府未發牌而表態，要求立法會出手跟進，而席上CTI總導演陸天華上台時仆倒！可頤及美君即安撫大家要耐心，可頤說：「開台需要時間，政府發牌亦有程序！」美君則說：「冇理由攞唔到！」
可頤過檔後即大讚CTI而暗踩娘家無綫，她表示得新老闆噓寒問暖、開工前收齊劇本：「王先生好錫我哋，搞到我哋唔好意思，我會畀心機！（以前喺無綫冇？）未試過，以前同啲高層好疏離！（暗踩無綫冇得返轉頭？）太遠嘅事唔會諗！」而多年冇拍劇的美君，亦讚CTI拍劇如拍電影般認真，她會包辦新劇的主題曲及插曲。
劉美君（左）與張可頤首度合作，令人期待。（司徒國榮東莞傳真）
王維基率領劇組影大合照，好親切喎！（司徒國榮東莞傳真）