古天樂將於本周日生日，與他在泰國拍攝電影《逃出生天》的劉青雲及李心潔等，提早為他舉行神秘生日會，雖然古仔已洞悉先機，但仍好戲地扮驚喜，以免掃興！李心潔在小肥起哄下送上一曲「馬拉版」生日歌，而童心未泯的古仔則向眾人狂噴香檳，並笑說：「歡樂時光過得特別快，又係時候講拜拜，各位埋位啦！」在旁的青雲卻說：「不如今日收工啦！咁開心！」事後，古仔開心地表示今年已收到4個生日蛋糕：「喺異地過咗一個另類生日，好開心！雖然大家想畀個驚喜我，但唔好意思，一早畀我發現咗！」
古天樂在泰國預祝生日，拿着香檳狂噴！
