JM翻撻李冠峰鬼祟掃貨

JJ和樊少皇懶理眾人目光，在食店卿卿我我，反而文詠珊（JM）則鬼祟拍拖，斷正速閃。自去年宣布與拍拖七年的富貴男友李冠峰分手後，曾多次被拍得出雙入對，雖然JM否認翻撻，但適逢近日I.T進行藝人減價，兩人被發現鬼祟拍拖到銅鑼灣掃貨。約下午5時，身穿白色上衣、豹紋短裙的JM，付款時只顧跟身後的阿峰密斟，未有察覺同場的梁烈唯。離開時，兩人刻意前後腳，JM先出來視察環境，當發現記者時即致電尾隨的阿峰，未幾見阿峰與友人手持大袋戰利品離開，阿峰見到記者亦慌張伸脷，然後急步到附近街頭上車，JM在附近兜了一個大圈，最終亦登上同一座駕離開。

另外，JM前晚出席品牌活動時表示近期很少與樂基兒（Gaile）見面，但透露已買了生日禮物給對方，問到會否因老闆是黎明而與Gaile疏遠？她說：「唔會，我同Gaile幾Close，我之前有見過黎明，唔覺佢失落，都有發過短訊慰問，佢都有回覆我講多謝！」問到會否介紹女友給黎明，她笑說：「不如你哋介紹男友畀我識先，我都未顧得掂自己。」