曾國祥被追斬變血人

曾國祥、陳偉霆(William)和林利等,為英皇電影《紮職》在油麻地街頭上演蠱惑仔追殺江湖大佬場面。曾國祥被打至頭破血流,更為避追斬而在鬧市狂奔,由於他的受傷造型太逼真,嚇得途人一度嘩然,曾國祥拍完後搞笑地說:「我都知自己成面血好嚇人,我已經盡全力狂奔,希望可以一Take過拍完,唔想搞到人發噩夢!」曾國祥血流披面,但同場的William則繼續靚仔,表情Chok爆追斬林利,事後他表示從未試過咁狼:「Cut機之後,我都心跳加速咗一陣!」

陳偉霆(右起)和曾國祥等在街頭拍攝打鬥戲。