劉松仁視帝熱到滾
被指因負面新聞影響，視后分分鐘凍過水的楊怡，前晚為台慶劇《名媛望族》宣傳時，對於有指她聯同緋聞男友羅仲謙夾擊視后勁敵徐子珊，她竟一反下午黑面對傳媒的態度，表示報道有趣：「入行咁耐一早賣咗身畀公司，又唔見畀獎我，炒作啫！希望件事唔好影響我同子珊好朋友關係，識我都知我對呢樣嘢平常心。」而子珊昨日為新劇《神槍狙擊2013》拍節目巡禮，對主演劇集《雷霆掃毒》演技受好評感壓力，正尋求減壓方法。
另一邊廂，視帝黎耀祥昨日出席活動時表示，對於再奪視帝甚有信心，更大讚林峯於《雷》劇形象突出，靚仔又有型，問到是否視對方為勁敵？他說：「個個都係。」而劉松仁前晚於《名》劇活動上，談到成為視帝大熱，他說笑：「熱咗好多年啦！滾o架喇！呢個年紀獎對我哋意義唔大，我睇好楊怡同馬國明。」
前晚眾人為劉松仁補祝生日，楊怡更向他獻吻。
徐子珊在《雷霆掃毒》中的演技備受好評，令她大感壓力。