慘做夾心人城城呻無辜
郭富城、錢嘉樂與林家棟主演的電影《寒戰》，成為今屆《香港亞洲電影節2012》的開幕電影。昨日，郭富城在記者會上透露26日留港過生日，但問到有否慶祝活動則表示冇所謂：「年年都咁過，愈來愈細個又後生，都唔知點算，惟有整殘自己！」對於經理人小美在微博發表「垃圾論」，令外界揣測暗指熊黛林，城城力撐說：「佢澄清咗係因為工作上嘅宣洩，唔好再喺件事度兜圈，唔好對號入座。（安撫熊黛林？）絕對唔會！我仲無辜，好似針對住我咁，安撫我啦！（左右做人難？）咁複雜嘅。」同場的錢嘉樂則透露下月13日在主題公園與女友湯盈盈註冊結婚：「大約招呼到一百名賓客，仲搵咗志偉做主婚人，但佢成日亂講嘢話抵我有今日，真係後悔搵佢，又怕佢之前飲醉酒。」另外，《寒》片亦被選為本屆台灣金馬影展的特別放映影片。
新片獲選為開幕電影，錢嘉樂（左起）、郭富城與林家棟舉杯慶祝。