李彩華聞婚變O嘴
曾與羅霖合作的李彩華聽到對方分居消息後勁愕然，並反問：「係咪真o架？點解會咁？我冇聽過！」她透露自從沒有合作後便冇再聯絡：「同佢合作時冇聽過佢講感情事，只係提過佢啲小朋友。」問到會否覺得女性要兼顧事業及愛情較困難？李彩華說：「都有咁嘅可能，我都係例子！我會為佢哋祈禱，最擔心係小朋友。」
同是亞姐出身、近日傳婚變的黎淑賢跟羅霖情同姊妹，早已知對方分居：「我知道呢件事，唉！家家有本難唸的經，希望佢振作同加油。」由於對方為家事煩惱，故她亦不便打擾。提到羅霖與老公近期一起公開亮相未有異樣，黎淑賢有感而發地說：「有啲嘢唔可以就咁睇表面，好多嘢外人都唔會知！咁多年感情，梗係會戥佢可惜。」
曾是羅霖（左起）旗下的李彩華，得知對方分居大表可惜。
黎淑賢早知羅霖婚變，但不敢打擾好姊妹。