周海媚返無綫唔講錢
近年轉戰內地發展的周海媚（海味）昨日為無綫節目巡禮劇集《神槍狙擊2013》試造型，問到無綫用甚麼條件打動她？海味說：「其實TVB每年都有搵我拍劇，今次古仔好好，合作又係老拍檔張兆輝、謝天華，大家都好熟，同埋又係時裝，古裝就唔好喇！」她指今次不會與天華續前緣：「感情戲同張兆輝，TVB大把靚女啦！」
她又透露將於十二月開工，不過還未動筆與無綫簽部頭約：「合約仲傾緊，仲未簽名，唔係錢問題，係其他條件仲傾緊，交咗畀經理人去傾。」問到無綫可曾接洽她簽經理人合約？海味說：「講真係傾過，但係我鍾意多啲空間，同埋簽TVB都係香港拍劇為主，內地相對少啲，呢兩年都冇經理人，係自己去傾約，都係最近先簽咗星美。」
海味為新劇試造型時透露，未與無綫簽約。