JJ被嘲跳舞似蟹：咪仲好

賈曉晨（JJ）昨日出席《Big Boys Club》慶祝七百集活動時，對於有指她被樊少皇狠飛兼搭上監製錢國偉的傳聞，她否認：「同樊少皇感情好穩定。（搭上錢國偉？）可能我幫佢拍咗個MV先咁傳，男友都有睇我演出，仲叫我下次跳畀佢睇。（網民話你跳得似蟹！）咪仲好，夠搞笑。」同場的梁烈唯透露，早前與兩位模在後巷拍攝新片的激情戲：「當時好尷尬，場戲我要畀人除褲，工作人員怕我有生理反應，怕小唯喺銀幕前好大咁特寫咗，所以要我喺內褲外加條貼身褲抑壓住小唯。如果上映時效果減弱，唔代表我細。」另外，對於莊思明傳有新歡一事，家姐莊思敏表示一向不干預妹妹結交朋友。談及莊思明被本報拍得在室內犯禁吸煙，她表示會勸妹妹減少吸煙。

JJ和梁烈唯齊齊出席慶祝活動。