飛躍男大熱蕭正楠想做珍姐愛將
視帝視后固然備受關注，連飛躍進步演員獎都爭餐死，被指是曾勵珍愛將的蕭正楠及黃智雯成為大熱！蕭正楠昨日接受訪問時說：「好多謝珍姐畀好多機會，如果真係可以做到珍姐愛將，仲開心過攞獎！（攞獎？）都有信心嘅！」另外，他昨日於旺角發生車禍，當時緋聞女友何傲芝亦在車上，座駕被小巴撞到，幸無大礙，但有途人以為拍戲紛紛拍照！事後他接受訪問時承認與何傲芝同車：「諗住同朋友食餐飯，撼到個頭但冇咩事！」至於今年有4劇在手的黃智雯昨日說：「得到大家認同好開心！（有信心拎獎？）一定有嘅！」而前晚她為新劇《情逆三世緣》排舞。
蕭正楠口甜舌滑，未攞獎先冧高層喎！ （資料圖片）
黃智雯機會多多，備受重視。