LuLu急整容添女人魅

曾與余文樂傳情慾短訊的o靚模王璐瑤（LuLu）五官分明，卻被嘲諷女生男相，難怪LuLu渴望整容，讓外貌變得柔和，增添女性美！

性感女星王璐瑤憑其33C噴血身材迷倒不少宅男，但她坦言不安於現狀，更渴望整容：「之前有人評論我個樣似男人，我都覺係有可以改善嘅地方，所以好渴望搵到Sponsor畀我整容，有得做埋代言人仲好，哈哈！」除了樣貌，她還嫌自己「心胸」不夠廣闊：「雖然我已經有C Cup，但依家唔少女星、模啲Cup數都起碼D Cup，真係唔夠佢哋嚟！」

演技不足留憾

LuLu不但敢言，更是敢作敢為，曾兩度在三級電影中露點演出的她坦言甘為藝術犧牲：「香港人對三級片太敏感，三級片唔等於色慾片，可以係藝術電影！」她還透露當年是導師推薦她接拍三級電影：「2009年我接拍嘅三級電影《明媚時光》，係教我演戲嘅老師叫我去Casting，佢話呢套係正經電影，而且角色好有發揮！（拍露點戲好掙扎？）係o架！最初我知會有粗口、露點場口，但唔知係自己露點，Casting成功後，我了解完角色、劇本，最後都接受！（畀老師擺上枱？）都唔係，套戲有到外國參展，導演仲得到金像獎最佳導演提名！」但她原來亦留下遺憾，LuLu說：「冇後悔過露點，反而後悔當初準備不足，演技唔夠好！」

Profile

姓名：王璐瑤（LuLu）

年齡：23歲

三圍：33C、24、34

身高：1米68

星座：金牛座

簡歷：擁有工商管理學士學位，於香港城市大學修畢演藝課程，曾拍攝電影《明媚時光》、《CRY 2》，今年推出第一本寫真《LuLu Wong 遺失了的私照…》。