羅鈞滿怪樣氹細路最掂
無綫藝人羅鈞滿（Moon）表情多多，他笑言隨時隨地都可以做出趣怪樣氹小朋友：「我好鍾意小朋友，就算喺街見到啲唔相識嘅小朋友，我都會撩佢哋，最鍾意就係做啲趣怪表情氹佢哋笑！成功氹佢哋笑嘅機會率差唔多係百分百，哈哈！」Moon不僅令小朋友發笑，更可以令他們「收聲」：「如果啲BB、小朋友唔開心猛咁喊嘅時候，我一樣會做啲搞笑表情氹佢哋，分散佢哋注意力，通常都可以成功令佢哋收聲唔再喊！有時我抱Fans嘅小朋友，佢哋仲會忍唔住摸我塊面！而且小朋友唔驚我，我抱住佢哋嘅時候，佢哋都會好開心咁笑！」除了趣怪，Moon更可以驚嚇，他說：「每逢萬聖節，我都會去玩鬼屋，我好鍾意整啲恐怖表情嚇人，有時夜晚心血來潮，我仲會匿埋一邊等朋友經過，跟住就做啲驚嚇表情嚇佢哋，我個樣可以扮到好恐怖o架！」