黃耀明踩趙世曾迂腐

為爭取同性戀權益的黃耀明是少數公開「出櫃」的藝人，對於趙式芝（Gigi）和波爾錶太子女楊如芯（Sean）的同性「婚姻」遭受父親趙世曾阻撓及出5億招女婿，明哥直斥思想迂腐，活在封建時代。

黃耀明、任達華、尹子維和黃偉文前晚出席DIOR HOMME海港城專門店開幕活動。談到日前趙式芝為氹Sean開心在Facebook以「My Wife（老婆）」稱呼對方，明哥說：「性別唔重要，依家唔只有夫妻、夫夫、妻妻都得，台灣已經有一啲伴侶制度可以係四個男人，但唔一定係愛情或者性關係，現今家庭觀要改變，大家唔好活在封建時代。」

對於趙世曾為棒打鴛鴦而出5億招婿，明哥直言好恐怖：「唔係唔尊重佢老人家，錢唔係可以解決一切，佢覺得有錢可以使得鬼推磨，呢個真係好迂腐嘅諗法。」問到會否撐Gigi？他表示會精神上支持：「佢老竇咁反對都係活喺封建時代。」另外，明哥表示正與幾位朋友籌辦文化基金推動本地音樂、電影文化，並打算向政府申請資助，他認為政府應給予幫助，因他們是培育香港新一代藝術家。

華哥內蒙拍戲變糉

至於同場的任達華則表示活動完結後便前往上海，再到內蒙拍戲，因當地天氣寒冷，故已準備100條朱古力、暖包、健身球及幾十張面膜，他還笑說：「去到就裹蒸糉。」