薛凱琪（Fiona）昨日穿上短裙出席座談會，分享入行以來的辛酸史，她坦言大家都覺得其演藝事業順風順水，但當中有不少艱辛日子：「只係自己冇放棄過，每次遇到波折都唔透露畀大家聽，自己解決，有時覺得自己好似個男人咁強！」由於Fiona是獨女的關係，家中有事都要獨自面對，她說：「好似男人咁負擔好多嘢，工作上要決定，又要兼顧家庭，作為女仔都要撒嬌。」記者即笑她可找兩位緋聞男友房祖名及方大同撒嬌，Fiona說：「大同好忙唔想煩佢，祖名又成日唔喺香港！」
薛凱琪感性地暢談入行多年的辛酸，令人動容！
