羅力威Fans無國界 齋影唔送抱

新一代「師奶殺手」羅力威昨日吸引近二百名Fans現身支持影相會，有Fans帶同兒子和狗狗捧場，當中更有一名高大的黑人Fans。他透露新歌會給歌迷一個驚喜，並想轉戰影圈！

羅力威昨日在黃埔為其演唱會DVD舉行首個影相會，參加歌唱比賽時已儲落一班師奶Fans的他，吸引近二百名Fans帶同燈牌一早到場排隊，有媽媽更帶同兒子齊撐偶像，亦有人出動狗仔吸引偶像注意，當中更有一名黑人Fans。眾人見到羅力威出場時即尖叫，陷入瘋狂狀態！

唱而優則演

眼見在場的Fans情緒高漲，問到可會答應歌迷攬住合照的要求，羅力威笑說：「握手、搭吓膊頭都得，攬就要等下次搞個擁抱會先得啦！」他又不相信高大的黑人是其Fans：「佢咁啱睇碟咋！你唔好講笑啦！」待工作人員確定後，他笑說：「過往我啲Fans都係地道啲，今日好特別，好驚喜！」

他表示年底推出的新專輯會一手包辦全碟作曲，而即將派台的新歌會給歌迷一個大驚喜：「係一首我自己同自己嘅合唱歌！」他又希望拍電影：「見William（陳偉霆）玩得咁開心，都想拍吓！如果喺《紮職》入面我只可以做佢啲！我諗我做唔到話事人級o架喇！」