校長「勤」打點業務粉絲放蛇
在樂壇打滾多年的譚詠麟（校長）與李克勤，其「左麟右李」拍檔形象深入民心，他們投資七位數字，在黃埔開設粥麵小菜專門店，務求把香港飲食文化發揚光大！閒時會親自落場打點的校長笑言會派歌迷作臥底：「員工淨係對我哋服務好係冇用，為咗確保服務質素，我哋會派歌迷做臥底！」克勤笑說：「歌迷同我哋匯報之餘，仲可以喺經濟上支持我哋！」
問到會否進軍內地市場？克勤說：「梗係想！但現階段最重要喺香港打穩陣腳先， 我哋希望食物做到快靚正，啱街坊口味之餘，價錢又大眾化！」計仔多多的他，希望暫時專注做好飲食業：「無論點都唔會涉足鞋業，因為唔想畀人踩住！」
睇校長（左）和克勤食到Lam Lam脷，好滋味喎！
校長親自巡視業務，引來不少女粉絲圍觀！