湯洛雯多得選美提高EQ

落選港姐湯洛雯可謂今年港姐的「風頭躉」,身為湯鎮宗女兒的她先被指有後台眷顧,後被起底指感情生活豐富、到倫敦拍攝又發生「亂丟底褲」事件,負面新聞排山倒海,湯洛雯說:「頭一兩個禮拜喊到癲咗,有諗過退選,有啲報道對女仔嚟講係好侮辱,但當時同自己講放棄咗就永遠都唔會成功,之後港姐之母陳紫蓮開解我,話呢啲新聞每年都有,叫我哋唔使介懷。」小時候湯洛雯也夢想過成為港姐冠軍,可是現實卻名落孫山:「都有諗過會冇獎,完全冇唔開心係假嘅,係有失落嘅感覺。」問到父親可有失望?她說:「Daddy擔心我唔開心,其實比賽係人生中好小嘅事,以前就會好傷心,但經過今次選美,EQ好咗好多,遲啲會讀埋碩士,做心理醫生都係我嘅志願。」

經過參選的龐大壓力,湯洛雯自覺EQ提高了。