吳千語嫌林峯Chok 毛舜筠讚好胃口
新人吳千語在新片《男人如衣服》中被母親毛舜筠反對與年紀差距較大的鄭中基拍拖，拍攝期間她卻與另一位演員林峯傳緋聞。問到現實中能否接受如林峯一樣比她年長的男友？吳千語說：「佢大我好多，爭幾年會好啲，唔好爭太遠。（發展機會？）冇諗過，只係會出去食飯嘅朋友。（佢好Chok？）有場戲感覺到佢股Chok風，現實中都Chok就好怪。」戲中與吳千語飾演一對的鄭中基，被問到在片場有否感受到林峯「施壓」？他笑說：「冇。（老婆施壓？）做嘢冇所謂，我一向好定性，返屋企有老婆同女左擁右抱，已經好開心。」至於毛姐於片場有否察覺林峯與吳千語有拍拖迹象？她笑說：「林峯真係同我個女咩？收得好埋喎！係咪阿峯單方面追我個女咋？阿峯都係一個大好青年嚟嘅，鍾意食嘢又好有胃口。」
吳千語希望另一半跟她年紀相若，似暗示林峯不是她那杯茶。
鄭中基（左起）、毛舜筠及吳千語相處融洽。