小白與高手過「焦」

焦媛與白健恩首度合作演舞台劇，二人化身「芳芳」和「胡風」鬥咀放笑彈！面對演出經驗豐富的焦媛，白健恩坦言不敢怠慢，準備與她在台上過招！

舞台劇演員焦媛與白健恩（小白）在音樂劇《彩色青春A-Go-Go》中首次合作，《彩》劇以六、七十年代為時代背景。劇中飾演「芳芳」的焦媛坦言事前要重溫不少前輩蕭芳芳的演出，務求盡善盡美：「為咗個劇仲要學功夫，加上背景係六、七十年代，說話、動作上都要配合番。今次我個角色係好鍾意跳舞，所以用咗唔少時間排練。我同演『胡風』嘅白健恩喺劇入面係一對鬥氣冤家，會鬧出不少笑話。」

焦媛早已知道小白的演出歷史：「一直有人推薦佢演出，我知佢舞蹈底子好好，咁啱今次個劇好需要呢類演員，所以促成咗合作。」問到會否請蕭芳芳欣賞？她說：「之前演出有見過面，但要邀請佢嚟睇，我真係唔敢。（一齊上台演出？）有機會都未輪到我啦！有邊個唔想呢？」

壓力化為動力

在劇中飾演「胡風」的小白表示，現實中未與「修哥」胡楓合作過，只能從他在電視的演出取靈感，又指修哥說話有獨特腔音，故要加緊學習：「我會唱幾首胡楓嘅歌，初頭以為唔識，但原來好多首歌我都聽過，真係好經典！」對於首次與焦媛合作，他大讚對方連綵排也十分認真，令他大感壓力，不敢怠慢，要準備充足才可上陣！