吳啟華食齋追B女

藝人吳啟華、林建明、戚美珍、賈思樂、曾志偉及陳百祥等,昨日出席《蝦仔爹哋音樂舞台劇II》記者會。首演舞台劇的啟華透露將演醫生:「以前喺英國讀書都想做舞台劇,但佢哋覺得中國人唔啱做,只安排我做幕後。」已有一女的啟華被問到可會再生?他說:「睇吓點啦!生唔係問題,湊先係問題,如果再生都想生女,仔大咗就唔見人!聽講多食肉會生仔,食多啲菜就生女,我老竇好鍾意食肉,所以生咗四個仔,哈哈!」

而戚美珍宣布舞台劇現已籌得140萬元善款,林建明則希望籌600萬元。此外,舞台劇還邀得不少紅星包括陳慧琳、吳君如、林峯及梁家輝等客串。

吳啟華於舞台劇演老本行角色,駕輕就熟!