陳靜大執撼台妹

將到台灣角逐金馬獎女配角的陳靜（DaDa），前晚在活動上事先張揚當晚的戰衣勁性感，實行「胸」戰台妹，即使冇獎都要造勢！　

陳靜（DaDa）憑電影《低俗喜劇》的「爆炸糖」一角，成功殺入台灣競逐金馬獎「最佳女配角」，是該獎的唯一香港代表。DaDa前晚以大師姐身份，帶同師妹曾善美出席跑馬地馬場舉行的《10月啤酒節》，同場有西班牙民謠歌手Russian Red。

身穿低胸裙的DaDa大騷事業線，雖然披上外套，但仍比曾善美搶鏡，更被一眾龍友圍觀兼狂影，她說：「係初次去啤酒節同跑馬地馬場，覺得好開心又熱鬧，其實近距離見到馬匹都係第一次，我都有騎師朋友。」DaDa表示今年馬很旺她，因被提名金馬獎「最佳女配角」，問到是否有信心時，恨獎恨出口的DaDa說：「都好想攞，下個月會到台灣試戰衣，其實自己咁新，有提名都好好彩，當贏咗！」

力攻影圈

此外，DaDa坦言工作量因此而大增：「劇本多咗，由公司篩選，佢哋想幫我揀好劇本，下個月會有新戲開。」她希望日後靠努力而不想單靠運氣：「畢竟我演戲經驗少！（搵你拍戲都係演性感角色？）想做唔同類型，嚟緊都會專注演戲方面。」問到會否挑選勁性感的戰衣競逐獎項時，DaDa自信地說：「搵咗形象指導由頭執到落腳，以隆重其事，一定要係最靚同最隆重嘅一晚！（騷身材？）當然會，台灣妹喎！當然要撼過，就算冇獎攞，都希望靠件戰衣取勝！」